وجهت ريم الرحباني، ابنة الفنانة اللبنانية فيروز، رسالة شديدة اللهجة لمروجي شائعة وفاة والدتها على الرغم من نفيها لذلك مطالبة اياهم بالكف عن نشر الأكاذيب.  
وقالت ريم الرحباني، الاثنين، عبر حسابها على فيسبوك: يا ولاد روحوا إلعبوا بعيد، كل شي عم تفبركوه من إشاعات وصوَر وخبار وبشاعات، ما بتشبه إلا نفوسكن الدنيئة والمريضة رح يرتد عليكن!.
 وأضافت ما أبشعكن وما أوضحكن! حتّى بهيك وقت من سواد وحزن ومأساة هالبلد، ما قدرتوا تتخطّوا حقدكن وكرهكن، وتنيّموا وساختكن؟.
وتابعت بأكّدلكن الأذى اللي رايدينوا من هيك فبركات على انواعا ما عم يصيبنا إلنا، لأنو نحنا منعرفكن وحافظينكن وحافظين بشاعتكن، بس عم يصيب الناس اللي ما عادت قادرة تحمل ولا أي شي إضافي، من بشاعات الكون والزمن اللي وصلنالو، واكيد بأكدلكن كمان انها عم تئذيكن إلكن، وانشالله نهار رح تدفعوا ثمنها.

وختمت رسالتها بالقول لهالزمن الوسخ اللي صار فيه تناقل اشاعات وقَتل ناس بعدا موجودة يطوّل بعمرا بيدون التأكد او التفكير او المراجعة هيدا ما اسمو إلا مشاركة بالجريمة وبالوساخة والبشاعة!.
وكانت ريما الرحباني نفت اشاعة وفاة فيروز والتي تم تداولها على نحور متزامن مع انفجار مرفأ بيروت يوم الثلاثاء الماضي الذي أودى بحياة المئات.
وهذه ليست المرة الأولى التي تلاحق شائعات الوفاة فيروز البالغة من العمر 84 عاما بعد تداول أنباء عن دخولها الى مشفى الجامعة الأمريكية ببيروت في أيار الماضي ووفاتها هناك.
 يذكر أن فيروز ظهرت في مقطع فيديو نشر على قناتها على يوتيوب في شهر نيسان الماضي وهي ترفع صلاتها عبر قراءة شفهية من الإنجيل المقدس حيث وجهت الدعوة الى شعوب الأرض في زمن تفشي وباء كورونا.

12/08/2020
عدد المشاهدات: 48696
سوريا إكسبو , Syria Expo
www.syria-ex.com




إقرأ أيضا أخبار ذات صلة